បោះពុម្ព

តើ​ប្រជាពលរដ្ឋ​ខ្មែរ ត្រូវធ្វើ​អ្វីខ្លះ ក្នុង​ថ្ងៃ​ទាំងបី នៃ​ថ្ងៃ​ចូលឆ្នាំ?

ប្រជាពលរដ្ឋ​ខ្មែរ ប្រារព្ធ​ពី​ធី​ចូលឆ្នាំថ្មី ដែល​បច្ចុប្បន្ន​កំណត់​យក​បី​ថ្ងៃ ដោយ​ថ្ងៃនីមួយៗ ធ្វើ​ទៅតាម​ទំនៀមទម្លាប់ ពី​ដូនតា​តរៀងមក ជាក់ស្តែង​តាម​សៀវភៅ អរិយធម៌​ខ្មែរ រៀបរៀង ដោយ លោក សូរ មុយ​ឃៀង លោក ទិ​ត សៀង និង​លោក ជា​ឈិន បាន​រៀបរាប់ថា ៖

ថ្ងៃទី១ ៖ ពេលព្រឹក គេ​យក​ចង្ហាន់​ទៅ​ប្រគេន​ព្រះសង្ឃ​នៅ​វត្ត ។ ពេល​ល្ងាច​គេ​នាំគ្នា​ជញ្ជូន​ខ្សាច់​សាង​វាលុកចេតិយ(ឬ​ពាលុកចេតិយ ចេតិយ​សាង​អំពី​ខ្យា​ច់)នៅ​ជុំវិញ​ព្រះវិហារ រឺ​នៅ​ជុំវិញ​ដើម​ពោធិ៍ ណាមួយ​នៅក្នុង​វត្ត​នោះ ។ នៅពេល​ព្រលប់​គេ​ប្រគេន​ភេសជ្ជៈ​ដល់​ព្រះសង្ឃ និមន្ត​លោក​ចំរើន ព្រះ​បរិត្ត និង​សម្តែង​ធម្មទេសនា ។

ថ្ងៃទី២ ៖  កូនចៅ ជូន​សម្លៀកបំពាក់ នំចំណី លុយកាក់​ដល់​អ្នកមាន​គុណ មាន​ឪពុកម្តាយ ជីដូន​ជីតា​ជាដើម ។ ជួនកាល​គេ​ធ្វើ​ទាន ដល់​មនុស្ស​បម្រើ រឺ​អ្នកក្រីក្រ​ទៀតផង ។ ពេល​រសៀល​គេ​នាំគ្នា​ទៅ​ពូន​ភ្នំខ្សាច់​ទៀត ហើយ​សូត្រធម៌​អធិដ្ឋាន​ភ្នំខ្សាច់​ដែល​គេ​សន្ម​ត់​ទុកដូចជា​ចូឡាមណី ចេតិយ ហើយ​និមន្ត​ព្រះសង្ឃ​បង្សុកូល​ចេតិយ​បញ្ជូន​មគ្គផល​ដល់​វិញ្ញាណក្ខន្ធ​បង ឬ ប្អូន​ដែល​បាន​ស្លាប់ទៅ ។

បោះពុម្ព

មេរោគ​ផ្តាសាយ​បក្សី​ថ្មី "​ដែលមាន​កំរិតជាតិពុល​ខ្ពស់​"

​យោងតាម​របាយការណ៍​ព័ត៌មាន​រដ្ឋ​ បាន​ឲ្យ​ដឹងថា ពូជ​មេរោគ​ផ្តាសាយ​បក្សី​ដែលមាន​កំរិតជាតិពុល​ខ្ពស់​ដ៏​គ្រោះថ្នាក់​មួយ​បាន ​កើតឡើង​នៅ​វៀតណាម ហើយ​កំពុងតែ​រីក​រាលដាល​យ៉ាង​លឿន ។

​យោងតាម​ ក្រុមមន្ត្រី​កសិកម្ម ពូជ​មេរោគ​នេះ​ទំនង​ជាការ​ប្រែ​រូបធាតុ​នៃ​មេរោគ H5H1 ដែល​ឆ្លង​រាលដាល​ទៅ​ពពួក​ប​សុ​បក្សី​ជាច្រើន​របស់​ប្រទេស​នេះ​កាលពី​ ឆ្នាំមុន ដោយ​បង្ខំ​ឲ្យ​មានការ​សម្លាប់​បក្សី​ទ្រង់ទ្រាយ​ធំ​នៅ​តំបន់​ដែល​រង​ ការប៉ះពាល់ ។​

​យោងតាម​របាយការណ៍​កាលពី​ថ្ងៃ​ព្រហស្បតិ៍​ក្នុង​កាសែត ​អន​ឡាញ VietnamNet អនុរដ្ឋមន្ត្រី​ក្រសួងកសិកម្ម និង អភិវឌ្ឍន៍ជនបទ លោក ដៀប គី​ញ តាន បាន​និយាយថា មេរោគ​ថ្មី​នេះ "​កំពុងតែ​រាតត្បាត​យ៉ាង​លឿន ហើយ​នេះ​គឺជា​ក្តីកង្វល់​ដ៏​ធំ​របស់​រដ្ឋាភិបាល​" ។​
​ក្រុម​ អ្នកជំនាញ​ដែល​គេ​ដកស្រង់​សម្តី​ក្នុង​កាសែត​បាន​និយាយថា មេរោគ​ថ្មី​នេះ​បាន​ផ្ទុះឡើង​ក្នុង​ខែកក្កដា និង បាន​រីក​រាលដាល​ទូទាំង​តំបន់​ភាគ​កណ្តាល និង ខាងជើង​វៀតណាម​កាលពី​ខែសីហា ។ នាយកដ្ឋាន​សុខភាព​សត្វពាហនៈ​បាន​និយាយថា ការផ្ទុះ​រាតត្បាត​នៃ​ជម្ងឺ​នេះ​ត្រូវគេ​រកឃើញ​នៅក្នុង​ខេត្ត​ចំនួន​ ប្រាំមួយ​មកទល់ពេលនេះ ហើយ​បក្សី​ចំនួន​ជាង ១៨០.០០០ ក្បាល​ត្រូវបាន​សម្លាប់ ។
បោះពុម្ព

រក្សា​ផ្លែ​ល្ហុង​ឲ្យ​នៅ​ស្រួយ​

​ផ្លែ​ល្ហុង​ដែល​ថ្មី​និង​នៅ​ស្រស់ តែងមាន​រសជាតិ​ឆ្ងាញ់ គួរ​ចង់​បរិភោគ​ជាង​ផ្លែ​ដែល​ស្វិត​ក្រៀម ព្រោះថា​រសជាតិ​របស់​វា​ក៏​បាត់បង់​ទៅតាម​នោះដែរ​។​​ ​បើ​ករណី​អ្នកទិញ​ផ្លែ​ល្ហុង​មក​ធំ ហើយ​បរិភោគ​មិន​អស់ ចង់​ពុះ​ទុក​ពាក់កណ្តាល ហើយ​នៅសល់​ពាក់កណ្តាល​ទៀត មិន​ចង់​ឲ្យ​ខូច​គួរ​អនុវត្ត​វិធី​ដូចខាងក្រោម​ ​ ​បើ​ចង់​ឲ្យ​ផ្លែ​ល្ហុង​នៅ​ស្រស់​ល្អ ស្រួយ មិន​ស្វិត គឺ​គ្រាន់តែ​យក​កំបោរ​ក្រហម​ដែល​យាយ​ចាស់ៗ​ប្រើ​ជាមួយ​ស្លា​ម្លូ មក​លាយ​ទឹក បន្ទាប់មក​យក​ផ្លែ​ល្ហុង​ទាំងនោះ​ទៅ​ជ្រលក់​ទឹក​កំបោរ​ឲ្យ​បាន​មួយសន្ទុះ សឹម​លើក​ឡើងមក​ទុក​ធម្មតា​វិញ​។ ការប្រើ​វិធី​ជ្រលក់​ទឹក​កំបោរ​បែបនេះ នឹង​ជួយ​កាត់បន្ថយ​មិន​ឲ្យ​ផ្លែ​ល្ហុង​ឆាប់​ស្វិត​ខូច ដោយ​ជួយ​ឲ្យ​ល្ហុង​នៅ​ស្រស់ និង​ស្រួយ​ជាប់​ជានិច្ច ហើយ​ពេល​យកមក​បរិភោគ រសជាតិ​នៅ​ឆ្ញា​ញ់​ដូច​មុន​៕​

បោះពុម្ព

​វិធី​ទុក​ស៊ុត​ប្រៃ​ឲ្យ​បានយូរ​

បើ​អ្នក​ចូលចិត្ត​បរិភោគ​ស៊ុត​ត្រាំ​ប្រៃ ហើយ​ចង់​រក្សាទុក​ឲ្យ​បានយូរ​ថ្ងៃនោះ ជា​រឿង​ចាំបាច់​បំផុត​។ ក្រៅពី​ការ​ទុក​ស៊ុត​មិន​ងាយ​ឲ្យ​ខូច​ហើយ ការរក្សា​រសជាតិ របស់​វា គឺ​សំខាន់​ខ្លាំងណាស់​។​

​ ​ស៊ុត​ប្រៃ​ត្រាំ ដែល​គេ​តែងតែ​នឹកឃើញ​ដល់​រសជាតិ​របស់​វា គឺ​ប្រភេទ​ស៊ុត ដែល​មិន​ត្រាំ​ប្រៃ​ខ្លាំង ហើយ​យកមក​ចៀន​បរិភោគ​មាន​រសជាតិ​ឆ្ញា​ញ់​មិនធម្មតា​។ ក្រៅពីនេះ ស៊ុត​ដែល​ត្រាំ​ប្រៃ ហើយ​បើ​បាន​ស្ងោរ​ឆ្អិន​បរិភោគ​ជាមួយ បបរស ក៏ មាន​រសជាតិ​ឆ្ញា​ញ់​ពិបាក​ភ្លេច​ផងដែរ​។​

​ ​ចំពោះ​វិធី​ទុក​ស៊ុត​ប្រៃ​ឲ្យ​បានយូរ​នោះ មិន​ពិបាក​ទេ គ្រាន់តែ​ឲ្យ​អ្នក​ដាក់​ទឹក សាច់ជូរ​ ចូល​បន្តិចបន្តួច​ក្នុ​ទឹក​ដែល​ប្រើ​ស្ងោរ​ស៊ុត​នោះ​។

ការដាក់​សាច់ជូរ ក្រៅពី ជួយ​ឲ្យ​ស៊ុត​ស​ល្អ​ហើយ នៅ​ជួយ​ឲ្យ​ស៊ុតមាន​រសជាតិ​ឆ្ញា​ញ់​ទៀតផង​៕

បោះពុម្ព

កម្ចាត់​ក្លិន​ផ្អួរ​ក្នុង​ទូ​ដាក់​ម្ហូប

វា​ជា​រឿង​ធម្មតា​ដែល​ទូ​ដាក់​ម្ហូប​ងាយ​កើត​ក្លិន​ផ្អួរ​ដោយសារតែ​វា​ជា​កន្លែង​ប្រមូលផ្តុំ​ក្លិន​របស់​អាហារ​ស្ទើរ​គ្រប់​ប្រភេទ​។ ការ​កម្ចាត់​ក្លិន​ផ្អួរ​ឲ្យ​អស់នោះ គឺជា​បញ្ហា​ដែល​មេផ្ទះ​កំពុងតែ​ឈឺក្បាល​ជាមួយនឹង​បញ្ហា​នេះ​។ ប៉ុន្តែ​ឈប់​បារម្ភ​ទៀត​ទៅ ថ្ងៃនេះ​យើង​មាន​វិធី​កម្ចាត់​ក្លិន​ផ្អួរ​ក្នុង​ទូ​ដាក់​ម្ហូ​ម​មក​ជ​ម្រាម​ជូន ដោយ​គ្រាន់តែ​អ្នកយក​កំបោរ​-​ស ដាក់​ក្នុង​ចាន រួច​យកទៅដាក់​នៅ​ជ្រុង​ទូ ទុកចោល​ប្រមាណ​ជា ៥-៦ ម៉ោង ពេលនោះ​ក្លិន​ផ្អួរ​នៅក្នុង​ទូ​នឹង​បាត់​ម្តង​បន្តិចៗ ហើយ​ដាក់​ទុកចោល ២-៣ ថ្ងៃ វា​នឹងធ្វើ​ឲ្យ​ក្លិន​ផ្អួរ​បាត់អស់​ទៅហើយ​៕​

ចំណេះដឹង និងសុខភាពផ្សេងៗ...