បោះពុម្ព

ពិធីប្រកាសទទួលស្គាល់សមាសភាព គណៈកិតិ្តយស និងគណៈកម្មាធិការអនុសាខាកាកបាទក្រហមកម្ពុជា

និពន្ធ​ដោយ Malivan. Posted in ព័ត៌មានពីមុនៗ

សាខា​កាកបាទក្រហមកម្ពុជា​ខេត្តកំពង់ស្ពឺ ប្រកាស​ទទួលស្គាល់​សមា​សភាព គណៈ​កិ​តិ្ត​យស និង​គណៈកម្មាធិការ​អនុសាខា​កាកបាទក្រហមកម្ពុជា ស្រុក​ភ្នំស្រួច។ កាលពី​ថ្ងៃទី ២៧ ខែវិច្ឆិកា ឆ្នាំ២០១៤ នៅ​បរិវេន​សាលាស្រុក​ភ្នំស្រួច​ក្រោម​អធិបតីភាព​ឯកឧត្តម តុង សេង អភិបាលរង​ខេត្ត ប្រធាន​គណៈកម្មាធិការ​សាខា​កាកបាទក្រហម​ខេត្ត និង​មានការ​ចូលរួម​ពី លោក ពេជ្រ ចន្ថា អភិបាលស្រុក​ភ្នំស្រួច លោកស្រី  អោម ច​ន្នា នាយិកា​សាខា​កាកបាទ ព្រមទាំង​សមាសភាព​អនុសាខា ជាច្រើនរូប​ទៀត។

        លោក ពេជ្រ ចន្ថា អភិបាលស្រុក ប្រធាន​កិ​តិ្ត​យស​អនុសាខា​កាកបាទក្រហម​ស្រុក​ភ្នំស្រួច បានធ្វើ​សុន្ទរកថា​ស្វាគមន៍។ លោកស្រី  អោម ច​ន្នា នាយិកា​សាខា​កាកបាទ បាន​អាន​សេចក្តីសម្រេច ស្តីពី​ការទទួលស្គាល់​សមាសភាព​គណៈ​កិ​តិ្ត​យស និង​គណៈកម្មាធិការ​អនុសាខា​កាកបាទក្រហម​ស្រុក​ភ្នំស្រួច និង​សមាជិក​ឃុំ១២ តាម​សេចក្តីសម្រេច​លេខ៤៣៤ ក​ក្រក.ក​ស្ព ចុះ​ថ្ងៃទី២៥ ខែវិច្ឆិកា ឆ្នាំ២០១៤ សម្រេច​ប្រការ១៖ទទួលស្គាល់​សមាសភាព​ក្រុម​កាកបាទក្រហមកម្ពុជា ឃុំ​ទាំង១២របស់​អនុសាខា។ ប្រការ២៖ រាល់​បទ​ប្បញ្ញត្តិ​ទាំងឡាយណា ដែលមាន​ខ្លឹមសារ​ផ្ទុយ នឹង​សេចក្តីសម្រេច​នេះ ត្រូវ​ចាត់ជា​និរាករណ៍។

បោះពុម្ព

លោកជំទាវ ទឹម សាវ៉ាត អញ្ជើញជាអធិបតីក្នុងពិធីបើកក្បួនដង្ហែរផ្សព្វផ្សាយយុទ្ធនាការ “ បុរសល្អ ”

និពន្ធ​ដោយ Malivan. Posted in ព័ត៌មានពីមុនៗ

ថ្ងៃទី ២៥ ខែ វិច្ឆិកា ឆ្នាំ ២០១៤ នៅ​មណ្ឌលកីឡា​ខេត្តកំពង់ស្ពឺ មាន​រៀបចំ​ពិធី​ដង្ហែរ​ផ្សព្វផ្សាយ​យុទ្ធនាការ “ បុរស​ល្អ ” ក្រោម​អធិបតីភាព​លោកជំទាវ ទឹម សាវ៉ាត អភិបាលរង​នៃ​គណៈ​អភិបាលខេត្ត​កំពង់ស្ពឺ លោកស្រី កេ​ត ម៉ារ​ឌី ប្រធាន​នាយកដ្ឋាន​ការពារ​ផ្លូវច្បាប់​នៃ​ក្រសួង​កិច្ចការនារី លោក​បណ្ឌិត ម៉ា​ដេ វ៉ូ អ្នកតំណាង​អង្គការ​UNFPAប្រចាំ​នៅ​ប្រទេស​កម្ពុជា លោក សេ​វ៉ា​ណូ ប្រ៊ី​ហ្គោ​ជី អ្នកសម្របសម្រួល អង្គការ​សន្តិភាព និង​អភិវឌ្ឍន៍​និង​មានការ​ចូលរួម​ពី​លោក  លោកស្រី​ប្រធាន​មន្ទីរ អង្គភាព​ជុំវិញ​ខេត្ត​កងកំលាំងប្រដាប់អាវុធ​ទាំង៣ប្រភេទ​មន្ត្រីរាជការ លោកគ្រូ អ្នកគ្រូ សិស្សានុសិស្ស ចូលរួម​យ៉ាងច្រើន​កុះក។

លោក​បណ្ឌិត ម៉ា​ដេ វ៉ូ អ្នកតំណាង​អង្គការ​UNFPA មាន​ចំណាប់អារម្មណ៍​រួចមក។

លោកជំទាវ ទឹម សាវ៉ាត អភិបាលរង​នៃ​គណៈ​អភិបាលខេត្ត​កំពង់ស្ពឺ​មានប្រសាសន៍​ក្នុង​កម្មវិធី ដង្ហែរ​ផ្សព្វផ្សាយ​យុទ្ធនាការ “ បុរស​ល្អ ” នោះ​ថា៖រាជរដ្ឋាភិបាល បាន​ខំប្រឹង​រៀបចំ​និង​កសាង​អភិវឌ្ឍន៍​ប្រទេសជាតិ​ដោយមាន​កិច្ចសហការ​ពី​អង្គការ​សង្គម​ស៊ីវិល​និង​ភ្នា​ក់​អន្តរជាតិ​ជាច្រើន ។ បច្ចុប្បន្ន​កម្ពុ​ជាមាន​សុខសន្តិភាព​និង​សុវត្ថិភាព​បរិបូរណ៍  ប៉ុន្តែ​ស្ថានភាព​នៃ​សមភាព​យេនឌ័រ​ក្នុងសង្គម​កម្ពុជា  ត្រូវបាន​គេ​ចាត់ទុកថា​នូវជាប​ញ្ហា​ប្រឈម​ដល់ ការអភិវឌ្ឍន៍ និង សន្តិសុខ​សង្គម ដែល​រួមមាន អំពើហិង្សា​និង​ការរំលោភបំពាន​លើ​ស្ត្រី​ជាដើម។

បោះពុម្ព

យុវជន៤៨នាក់ចូលរៀនវគ្គបណ្តុះបណ្តាលភាពជាអ្នកដឹកនាំ

និពន្ធ​ដោយ Malivan. Posted in ព័ត៌មានពីមុនៗ

ថ្មីៗនេះ ​យុវជន៤៨នាក់​មក​ពី​តាម​ក្រុង ស្រុក​ទាំង៨ របស់​ខេត្តកំពង់ស្ពឺ បានទទួល​ការបណ្តុះបណ្តាល ភាពជា​អ្នកដឹកនាំ សំរាប់​បន្តវេន​ដឹកនាំ​តាម​ភូមិ ឃុំ ស្រុក របស់ខ្លួន​ដើម្បី​ទទួលបាន​ការគាំទ្រ​ពី​ប្រជាពលរដ្ឋ ព្រមទាំង​មានការ​អភិវឌ្ឍន៍​រីកចំរើន​តាម​មូលដ្ឋាន​ដែល​ខ្លួន​កំពុង​បំពេញភារកិច្ច។ ក្រោម​អធិបតីភាព ឯកឧត្តម សត្យា វុ​ធ  ប្រធាន​ប្រចាំការ​អចិ​ន្ត្រៃ​គណៈកម្មាធិកា គណបក្ស​ប្រជាជន​កម្ពុជា ខេត្តកំពង់ស្ពឺ ឯកឧត្តម សរ សុ​ពុ​ត្រា អនុរដ្ឋលេខាធិការ​ក្រសួង​សង្គមកិច្ច និង​អតីតយុទ្ធជន ឯកឧត្តម ទុយ ស៊ី​ផាន់ អនុរដ្ឋលេខាធិការ​ក្រសួង​ការងារ​បណ្តុះបណ្តាល​វិជ្ជាជីវ។

  •         ឯកឧត្តម សត្យា វុ​ធ ប្រធាន​ប្រចាំការ​អចិ​ន្ត្រៃ​គណៈកម្មាធិកា គណបក្ស​ប្រជាជន​កម្ពុជា ខេត្តកំពង់ស្ពឺ បន្ទាប់ពី​មានមតិ ស្វាគមន៍ រួចមក ឯកឧត្តម មានប្រសាសន៍​លើកឡើង ក្នុង​ពិធី​បើក​វគ្គ​បណ្តុះបណ្តាល​នោះ​ថា៖ ភាពជា​អ្នកដឹកនាំ  នៅក្នុ្ង​ង​សង្គម គឺជា​បណ្តុំ​ក្រុម​នៃ​មិត្តភក្តិ​និង​មនុស្ស​ដែល​ស្គាល់គ្នា ក្នុង​ការកសាង​បណ្តាញ​សង្គម​ប្រកបដោយ​ប្រសិទ្ធភាព មានន័យថា អ្នក​តែងតែមាន​ទំនាក់ទំនង​ល្អ​ក្នុង​ការជួយ​ប្រជាពលរដ្ឋ នឹង​ការខិតខំ​ប្រឹងប្រែង​ក្នុង​ការងារ​សម្រាប់ សង្គម ក៏ដូចជា​ខ្លួនឯង​ផ្ទាល់​ផងដែរ។
បោះពុម្ព

វេទិកាសាធារណៈជាមួយប្រជាពលរដ្ឋដើម្បីត្រួតពិនិត្យ គាំទ្រការអនុវត្តកម្មវិធីនយោបាយ និងយុទ្ធសាស្ត្រចតុកោណដំណាក់កាលទី៣

និពន្ធ​ដោយ Malivan. Posted in ព័ត៌មានពីមុនៗ

ចុង​សប្តាហ៍ថ្មីៗនេះ នៅ​វត្ត តាំង​ពោធិ៍  ឃុំ ប្រាំបី​មុម  ស្រុក​ថ្ព​ង់ ខេត្តកំពង់ស្ពឺ បាន​បើក​វេទិការ​សាធារណៈ​ជាមួយ​ប្រជាពលរដ្ឋ​ដើម្បី​ត្រួតពិនិត្យ  គាំទ្រ​ការអនុវត្ត​កម្មវិធី​នយោបាយ និង​យុទ្ធសាស្ត្រ​ចតុកោណ​ដំណាក់កាល​ទី៣ របស់​រាជរដ្ឋាភិបាល​កម្ពុជា និង​ដើម្បី​ដោះស្រាយ​រាល់​បញ្ហា​ប្រឈម​ប្រជាពលរដ្ឋ​ដែល​កើតឡើង​តាម​មូលដ្ឋាន។ ក្រោម​អធិបតីភាព ឯកឧត្តម ភោគ សុវណ្ណ​រិ​ទ្ធ រដ្ឋលេខាធិការ ក្រសួង​ឧស្សា​កម្ម សិប្បកម្ម និង​ជា​ប្រធាន​ក្រុមការងារ​ចុះ​ស្រុក​ថ្ពង និង​ប្រតិភូ​ក្រសួង​អប​ដំណើរ ព្រមទាំង​មាន​ពី​តំណាង មន្ទីរ អង្គភាព​ជុំវិញ​ខេត្ត អង្គការ​សង្គម​ស៊ីវិល និង​ប្រជាពលរដ្ឋ ក្នុង​ឃុំ ប្រាំបី​មុម សរុប​ចំនួន៤៧៥នាក់ ស្ត្រី២៤៣នាក់។

បោះពុម្ព

គ្រោះថ្នាក់ចរាចរណ៏មួយកើតបណ្តាលឱ្យបុរស៣នាក់រងធ្ងន់ធ្ងរ

និពន្ធ​ដោយ Malivan. Posted in ព័ត៌មានពីមុនៗ

គ្រោះថ្នាក់​ចរាចរ​ណ៏​រវាង​ម៉ូតូ​ម៉ាកវ៉េវ​ បាន​បើក​ទៅបុក​ម៉ូតូ​និ​ច ​បណ្តាលឱ្យ​អ្នកជិះ​ម៉ូតូ​ទាំង​សង្ខាង មានបុរស៣នា់​ទទួលរង​របួសធ្ងន់​ធ្ង​រ​កាលពី​ថ្ងៃទី១៥ ខែ​វិ​ឆ្ចិ​កា​ ឆ្នាំ២០១៤ វេលា​ម៉ោង១១.៥០នាទី​ នៅតាម​បណ្តោយ​ផ្លូវជាតិ​លេខ៤ ចន្លោះ​គីឡូម៉ែត្រ​លេខ៤៦ និង៤៧ ទាល់​មុខ ធា​នាគា​ជាតិ​កម្ពុជា​ស្ថិតក្នុង​ភូមិ​សំណង់ សង្កាត់​រកា​ធំ ក្រុង​ច្បារមន ខេត្តកំពង់ស្ពឺ។