បោះពុម្ព

ឯកឧត្តម តុង សេង ប្រធានគណៈកម្មាធិការ សាខាកាកបាទក្រហមកម្ពុជា ខេត្តកំពង់ស្ពឺ ចូលរួមក្នុងពិធីប្រគល់ និង ទទួលថវិកា សមាជិកភាពប្រចាំឆ្នាំ ២០១៤

ថ្មីៗនេះ នៅ​សាខា​កាកបាទក្រហមកម្ពុជា​ខេត្តកំពង់ស្ពឺ​មាន​រៀបចំ​ពិធី​ប្រគល់ និង ទទួល​ថវិកា​សមាជិក​ភាព​ប្រចាំឆ្នាំ ២០១៤ របស់​អង្គភាព​តំបន់​ប្រតិបត្តិការ​សឹក​រង​ខេត្ត ក្រោម​អធិបតីភាព ឯកឧត្តម តុង សេង អភិបាលរង​ខេត្ត ប្រធាន​គណៈកម្មាធិការ​សាខា​កាកបាទក្រហម​ខេត្ត និង​ដឹក​នាំយក​ថវិការ​មក​ប្រគល់​ឲ្យ​សាខា ដោយ លោក​ឧ​ត្ត​ម​សេនីយ​ត្រី  ឈឹម ប៊ុនធឿន  មេបញ្ជាការ​តំបន់​ប្រតិបត្តិការ​សឹក​រង​ខេត្តកំពង់ស្ពឺ និង​ចូលរួម​ពី​លោក​មេបញ្ជាការរង និង​គណៈប្រតិភូ​អមដំណើរ​ជាច្រើនរូប​ទៀតផង​ដែរ។

              ឯកឧត្តម តុង សេង អភិបាលរង​ខេត្ត ប្រធាន​គណៈកម្មាធិការ​សាខា​កាកបាទក្រហម​ខេត្ត​មានប្រសាសន៍ថា៖ ថៃ្ង​នេះ ខ្ញុំ​ពិតជា​មាន​សេចក្តីសោមនស្ស​រីករាយ​ក្រៃលែង ដែល​ឯកឧត្តម អស់លោក​ទាំងអស់​ក្នុង​អង្គភាព​បញ្ជាការ​តំបន់​ប្រតិបត្តិការ​សឹក​រង​ខេត្ត  បាន​លះបង់​ពេលវេលា​ដ៌​មាន​តំលៃ​ព្រមទាំង​បាន    នាំមក​នូវ​ថវិកា​សមា​ជិ​ក​ភាព​ប្រចាំឆ្នាំ២០១៤  មក​រួមចំណែក​ឧបត្ថម្ភ ដល់​សាខា​កាកបាទក្រហមកម្ពុជា ខេត្តកំពង់ស្ពឺ​នាពេលនេះ   ។

បោះពុម្ព

វេទិកាសាធារណៈជាមួយប្រជាពលរដ្ឋដើម្បីត្រួតពិនិត្យ គាំទ្រការអនុវត្តកម្មវិធីនយោបាយ និងយុទ្ធសាស្ត្រចតុកោណ

ថ្ងៃទី១៩ ខែធ្នូ ឆ្នាំ២០១៤ នៅ​វត្ត កន្សែង​សំ  ឃុំ អម​លាំង  ស្រុក​ថ្ពង ខេត្តកំពង់ស្ពឺ បាន​បើក​វេទិការ​សាធារណៈ​ជាមួយ​ប្រជាពលរដ្ឋ​ដើម្បី​ត្រួតពិនិត្យ  គាំទ្រ​ការអនុវត្ត​កម្មវិធី​នយោបាយ និង​យុទ្ធសាស្ត្រ​ចតុកោណ​ដំណាក់កាល​ទី៣ របស់​រាជរដ្ឋាភិបាល​កម្ពុជា និង​ដើម្បី​ដោះស្រាយ​រាល់​បញ្ហា​ប្រឈម​ប្រជាពលរដ្ឋ​ដែល​កើតឡើង​តាម​មូលដ្ឋាន។ ក្រោម​អធិបតីភាព ឯកឧត្តម ភោគ សុវណ្ណ​រិ​ទ្ធ រដ្ឋលេខាធិការ ក្រសួង​ឧស្សា​កម្ម សិប្បកម្ម និង​ជា​ប្រធាន​ក្រុមការងារ​ចុះ​ស្រុក​ថ្ពង និង​ប្រតិភូ​ក្រសួង​អប​ដំណើរ ព្រមទាំង​មាន​ពី​តំណាង មន្ទីរ អង្គភាព​ជុំវិញ​ខេត្ត អង្គការ​សង្គម​ស៊ីវិល និង​ប្រជាពលរដ្ឋ ក្នុង​ឃុំ អម​លាំង សរុប​ចំនួន៤៧៥នាក់ ស្ត្រី២៤៣នាក់។

        ឯកឧត្តម ភោគ សុវណ្ណ​រិ​ទ្ធ មានប្រសាសន៍​ក្នុង​ពិធី​បើក​វេទិកា​នោះ​ថា៖ការរៀបចំ​វេទិការ​សាធារណៈ​ជាមួយ​ប្រជាពលរដ្ឋ​មាន​សារៈសំខាន់​ណាស់ គឺ​ថ្នាក់ដឹកនាំ​បាន ដឹង​ពី​បញ្ហា​សុខទុក្ខ​របស់​ប្រជាពលរដ្ឋ​ផ្ទាល់។ ហើយ​ដោះស្រាយបាន​ទាន់ពេលវេលា​រាល់​បញ្ហា និង​សំណូមពរ​របស់​ប្រជាពលរដ្ឋ​ឲ្យ​មាន​ប្រសិទ្ធិភាព​ស្របតាម​ការអនុវត្ត​កម្មវិធី​នយោបាយ និង​យុទ្ធសាស្ត្រ​ចតុកោណ​ដំណាក់កាល​ទី៣របស់​រដ្ឋាភិបាល​កម្ពុ​ជា។

បោះពុម្ព

ពិធីប្រកាសទទួលស្កាល់សមាសភាពគណៈកម្មាធិការអនុសាខាកាកបាទក្រហម កម្ពុជាស្រុកថ្ពង

ថ្ងៃទី១៦ ខែ​ឆ្នូ ឆ្នាំ២០១៤នៅ​សាលាស្រុក​ថ្ពង មាន​រៀបចំ​ពិធី​ប្រកាស​ទទួលស្គាល់​សមាសភាព​គណៈកម្មាធិការ​អនុសាខា ស្រុក​ថ្ពង ខេត្តកំពង់ស្ពឺ  និង​ក្រុម​កាកបាទក្រហម​ឃុំ​ទាំង៧ ទូទាំង ស្រុក​ថ្ពង។ ក្រោម​អធិបតីភាព ឯកឧត្តម តុង សេង អភិបាលរង​ខេត្ត ប្រធាន​គណៈកម្មាធិការ​សាខា និង មានការ​ចូលរួម​ពី​លោក លោកស្រី ប្រធានកិត្តិយស​អនុសាខា អភិបាលស្រុក  លោក អោ វណ្ណ​ថេ​ន ប្រធាន​មន្ទីរ​សុខាភិបាល ប្រធាន​គណៈកម្មាធិការ​អនុសាខា លោកស្រី អោម ចាន់ណា នាយិការ​សាខា ព្រមទាំង មានការ​ចូលរួម​ពី​ព្រះគ្រូ​អនុគណ​ស្រុក និង​លោក លោកស្រី​សមាជិក​សមាជិកា​គណៈកម្មាធិកា​រ​អនុសាខា ក្រុម​កាកបាទក្រហមកម្ពុជា​ទាំង០៧ឃុំ និង​លោក  លោកស្រី មន្ត្រី​សាលាស្រុក ទីប្រឹក្សា​យុវជន និងក្មួយៗយុវជន​កាកបាទក្រហម នៃ​ស្រុក​ថ្ពង ខេត្តកំពង់ស្ពឺ បាន​ចូលរួម​យ៉ាងច្រើន​កុះករ។

        លោក អេង ស្រ៊ុន អភិបាលស្រុក បានធ្វើ​របាយការណ៍​ស​ង្ខេ​ប​ស្តីពី​ការងារ​អនុសាខា បាន​អនុវត្ត​កន្លងមក។ លោកស្រី អោម ចាន់ណា នាយិការ​សាខា បាន​អាន​សេចក្តីសម្រេច ប្រកាស​តែងតាំង ទទួលស្គាល់​សមាសភាព​គណៈកម្មាធិកា​អនុសាខា​កាកបាទក្រហមកម្ពុជា ស្រុក​ថ្ពង  យោងតាម ព្រះរាជ​ក្រិ​ត្ស​លេខ នស/រកត/០៥០២/១១៣ ចុះ​ថ្ងៃទី០៦ ខែឧសភា ឆ្នាំ២០០២ រាជធានី​ភ្នំពេញ ថ្ងៃទី២៨ ខែ មេសា​ឆ្នាំ២០១៤ ប្រធាន ហត្ថលេខា និង​ត្រា សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន លោកស្រី ហេង ហត្ថា តំណាង​សមាជិក​គណៈកម្មាធិការ​អនុសាខា មានប្រសាសន៍ថា៖ សូម​គាំទ្រ​សម្តេច​កិ​តិ្ត​ព្រឹទ្ធ​បណ្ឌិត​ប៊ុន រ៉ានី ហ៊ុនសែន ជា​ប្រធាន​កាកបាទក្រហម ដើម្បី​ដឹកនាំ នាវា​កាកបាទក្រហមកម្ពុជា បន្តទៀត។ ហើយ​លោកស្រី​បាន​ប្តេជ្ញា ចូល​បម្រើ​ក្នុង​វិស័យ មនុស្សធម៌​ក្នុង ស្រុក ភូមិ​របស់ខ្លួន​ឲ្យ​កាន់តែ​ប្រសើរឡើង។

បោះពុម្ព

យក​ថ្នាំ​ចាក់​សាកសព ប្រើ​លើ​បន្លែ​-​សាច់ ខណៈ​ពលរដ្ឋ​ខ្មែរ​ព្រួយបារម្ភ​

ភ្នំពេញ: ដោយសារតែ​ការប្រើ​ថ្នាំ​លើ បន្លែ សាច់ ដើម្បី​ទុក​បានយូរ ដែលជា​ការបង្ក​គ្រោះថ្នាក់​ធ្ងន់ធ្ងរ ដល់​សុខភាព អ្នក​បរិភោគ​នោះ ប្រទេសជិតខាង​កម្ពុជា ដូចជា ប្រទេស​ថៃ កាលពី​ថ្មីៗ​នេះ បាន​ព្រមាន​ពលរដ្ឋ​របស់ខ្លួន ដែល​តែង​លួច​ប្រើ​ថ្នាំ ប្រភេទ​ចាក់​សាកសព ឬ​ហៅថា “​ហ្វ័​រ​ម៉ា​លីន​” សម្រាប់​រក្សា​បន្លែ សាច់ ទុកឱ្យ​បានយូរ​នោះ​ថា នឹង​ផ្តន្ទាទោស ព្រោះ​ត្រូវបាន​គេ​ចាត់ទុកថា ជាការ​សម្លាប់​មនុស្ស ដោយ​ប្រយោល​មួយ​។​

​ចំណែក​នៅ​ប្រទេស​កម្ពុជា​វិញ ពលរដ្ឋ​ជាច្រើន មិន​ថា​នៅ​តំបន់​ណា​ទេ កំពុងតែ​មានការ​ព្រួយបារម្ភ ជាមួយនឹង​ចំណី​អាហារ ដែល​លាយ​សារ​ជាតិគីមី ពិសេស​ការប្រើ​ថ្នាំ​សាកសព​នេះ ពីព្រោះថា បន្លែ សាច់ មួយចំនួន នៅ​ប្រទេស​កម្ពុជា ក៏មាន​នាំចូល​ពី​ប្រទេស​ថៃ និង​ប្រទេសជិតខាង​ផងដែរ​។ នៅ​កម្ពុជា​បច្ចុប្បន្ន ក៏ត្រូវ​បាន​គេ​ឃើញថា មានការ​ប្រើ​ថ្នាំ​សារជាតិ​គីមី ព្រមជាមួយ​ការប្រើ​ថ្នាំ​សាកសព​នេះ មិនតិច​ដែរ​ទេ​។ ជាមួយ​ការព្រួយបារម្ភ​នេះ ពលរដ្ឋ​កម្ពុជា ក៏​ទាមទារ​ឱ្យ​ចាត់វិធានការ​ទប់ស្កាត់​ជាបន្ទាន់ ចៀសវាង​បង្ក​គ្រោះថ្នាក់​ធ្ងន់ធ្ងរ ដល់​សុខភាព​អ្នក​បរិភោគ នៅ​ថ្ងៃ​ខាងមុខ​។​

បោះពុម្ព

មេកន្ទុយលេខដុះស្លែក្នុងផ្សារកំពង់ស្ពឺត្រូវបានសមត្ថកិច្ចបង្ក្រាបនិងបញ្ជូនទៅតុលាការតែមានមន្ត្រីខិលខូចកំពង់រត់ការដោះលែង

ឯ​ឧ​ត្ត​ម អ៊ូ សំ​អួន អភិបាលខេត្ត​កំពង់ស្ពឺ​បាន​បញ្ជា​គ្រប់​ជំនាញ​ចុះ ពិនិត្យ​ស្រាវជ្រាវ​រហូត​ចាប់បាន​មេ​កន្ទុយលេខ​ធំជាងគេ​ក្នុង​ផ្សា​បញ្ជូន​ទៅកាន់​តុលាការ​នៅ ព្រឹក ថ្ងៃទី១៣ ខែធ្នូ ឆ្នាំ២០១៤ នេះ។ហើយ​ក៏មាន​ប្រភព​មួយ​បាន​ឲ្យ ដឹងថា​កំពុងមាន​មន្ត្រី​ខិលខូច​ធ្លាប់​កាង​ចង់​ចេញមុខ​រត់ការ​ដោះ​តែ​ខាង​តុលា​ការមិន​ឯកភាព

លោក​វិ​រ​សេនី​យ៏​ទោ ជា វណ្ណា នាយ​កា​រិ​យា​ល​យ័​ព្រហ្មទណ្ឌកំ​រិត​ស្រាល​នៃ​ស្នង ការដ្ឋាន​នគរបាល​ខេត្តកំពង់ស្ពឺ​បាន​ប្រាប់ថា​ជន​ស​ង្ស​យ័​ដែល​ត្រូវបាន​ដឹងថា​ជា​មេ​កន្ទុយលេខ​មានឈ្មោះ សុខ ទៀង ហៅ​ង៉ែត ភេទ​ស្រី​អាយុ៣៥ឆ្នាំ រស់នៅ​ភូមិ​ទួល​គក សង្កាត់​ស្វាយ​ក្រ​វ៉ាន់ ក្រុង​ច្បារមន ខេត្តកំពង់ស្ពឺ ។