ពិធីបញ្ចុះបឋមសិលា កសាងបុស្សុក តម្កល់រូបសំណាក់ សម្តេចព្រះសង្ឃរាជ ជោតញ្ញាណោ ជួន ណាត
នៅព្រឹកថ្ងៃទី០៥ខែ
កក្កដា ឆ្នាំ២០១៤ នៅសួនច្បារ ស្រប មាត់ស្ទឹងព្រែក និងជាប់របង សាលាខេត្ត កំពង់ស្ពឺ មានរៀបចំពិធី បញ្ចុះបឋមសិលា កសាងបុស្សុក តម្កល់រូបសំណាក់ សម្តេចព្រះសង្ឃរាជ ជោតញ្ញាណោ ជួន ណាត ។ ក្រោមអធិបតីភាព ឯកឧត្តម ប្រធានក្រុមប្រឹក្សាខេត្ត អភិបាលនៃ គណៈអភិបាលខេត្ត ឯកឧត្តម ឧត្តមសេនីយ៍ ឯកអគ្គមេបញ្ជាការរង ជើងគោកនិង មេបញ្ជាការភូមិភាគ៣ និងមានការចូលរួមពីរប្រធានមន្ទីរ អង្កភាព នានា អាជីវករ និងប្រជាជន ជុំវិញខេត្តចូលរួមជាច្រើនកុះករ ផងដែរ។
ឯកឧត្តម អ៊ូ សំអួន មានប្រសាសន៍សំណេះសំណាលនៅក្នុងពិធីនោះដែរ ឯកឧត្តមបានលើកឡើង ថា៖ ក្រោមការដឹកនាំ ដ៏ត្រឹមត្រូវ របស់សម្តេចទាំងបី ពិសេស សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដោយមានការដឹកនាំដ៏ឈ្លាសវៃ បានធ្វើអោយប្រទេសជាតិ មានការរីកចំរើនលើគ្រប់វិស័យ។ ដោយឡែកខេត្តកំពង់ស្ពឺ ក៏មានការអភិវឌ្ឍន៍រីក ចំរើន ទាំងហេដ្ឋារចនា សម្ព័ន្ធ រូបបន្តនិងអរូបបន្ត។ ហើយរដ្ឋបាលខេត្តគ្រោង សាងសង់បុស្បុកតម្កល់រូបសំណាក់សម្តេចព្រះសង្ឃរាជ ជោតញ្ញាណោ ជួន ណាតធ្វើឡើងអំពីស្ពាន់មានកំពស់៥ម និង សាងសង់ សួនច្បារ ដាក់បង្គោលភ្លើង និងសាងសងឡើងព្រមៗគ្នាដោយមានលក្ខណៈទំនើបចំណាយទឹកប្រាក់ជាង១៧ម៉ឺនដុល្លា ដែលជាថវិការបានមកពីសប្បុរសជន មន្ត្រីរាជការ ប្រជាពលរដ្ឋ ក្រុមអាជីវករ ទាំងក្នុង និងក្រៅខេត្ត។
ឯកឧត្តម បានបញ្ជាក់ទៀតថា៖ គោលបំណង់របស់រដ្ឋបាលខេត្ត គឺកសាងឡើងដើម្បីជាការដឹងគុណ, ជាទីសក្ការៈចំពោះពុទ្ធបរិសទបូជាទានធូប តាមគន្លងព្រះពុទ្ធសាសនាដែលជាសាសនារបស់រដ្ឋ, និងសំរាប់ទាំងអ្នកទេសចរណ៏ ទាំងអ្នកសិក្សាស្រាវជ្រាវពីប្រវត្តិរបស់ព្រះអង្គ ដែលព្រះអង្គបានចាប់បដិសន្ធិនៅស្រុកគងពិសី ខេត្តកំពង់ស្ពឺ ហើយសាងសងឡើងដើម្បីរក្សាទុក ជាសម្បត្តិជាតិ។ ដើម្បីរក្សាភាពល្បីរន្ទីទាំងផ្នែកធម៌វិន័យ អក្សរសាស្ត្រជាតិ អន្តរជាតិដោយទទួលមានការគាំទ្រពីឆាកជាតិ និងអន្តរជាតិ នូវប្រទេសកាន់សាសនាព្រះពុទ្ធ ដូចជា៖ប្រទេសឡាវ ភូមា ថៃ សរីលាំងកា ឥណ្ឌា និងប្រទេសនានាកាន់សាសនាព្រះពុទ្ធជាច្រើនទៀត។
អានព័ត៌មានបន្ថែមស្តីពី៖ គណបក្សប្រជាជនកម្ពុជាខេត្តកំពង់ស្ពឺ ប្រារព្វមិទ្ទិញរំលឹកខួបអនុស្សវរីយ៏លើកទី៦៣ , បុណ្យផ្កាសាមគ្គីប្រមូលបច្ច័យកសាងរូបសំណាកសម្តេចព្រះសង្ឃរាជជួនណាត និង ពិធីបញ្ចុះបឋមសិលានៅពហុកីឡាដ្ឋានខេត្តកំពង់ស្ពឺ
